Home Page መወያያ መድረክ ትምህርተ ሃይማኖት ዶግማ ምንድን ነው?

Viewing 1 post (of 1 total)
  • Author
    Posts
  • Fekadesilassie
    Keymaster
    Post count: 2

    ዶግማ የሚለው ቃል የግሪክ (የጽርዕ) ሲሆን ትርጉሙም የማይሻር፣የማይለወጥ፣የማይቀየር ፣ የማያልፍ ማለት ነው።

    ዶግማ ወይም እምነት አይጨመርበትም፤ አይቀነስበትም፤ አይሻሻልም፤ ችግርና ፈተናም ቢመጣ እስከ ሞት ድረስ አጥብቀን የምንይዘው ነው። ለምሳሌ ያህል ይህን ዓለም ካለመኖር ወደ መኖር አምጥቶ የፈጠረ፤ ቢመረምር እንጂ የማይመረመር ሁሉን ቻይ አምላክ፤ የሚሳነው ነገር የሌለ ፈጣሪ፤ የሰማይና የምድር ባለቤት የሠራዊት ጌታ ሕያው እግዚአብሔር ነው።

    እግዚአብሔር (ፈጣሪ) የአካል ሦስትነት አለው። በመለኮት፣ በመፍጠር፣ በሥልጣን፣ በአገዛዝ፣ በፈቃድ ግን አንድ ነው። በሦስትነቱ አብ፤ ወልድ፤ መንፈስ ቅዱስ ሲባል በአንድነቱ አንድ መለኮት አንድ እግዚአብሔር ይባላል። በአዳም ምክንያት ከመጣው የዘለዓለም ሞትና ከዲያብሎስ ባርነት ነጻ የወጣነው ከሦስቱ አካላት በአንደኛው አካል ማለትም በወልድ በኢየሱስ ክርስቶስ ነው። አምስቱ አዕማደ ምሥጢራት፣ ዐሠርቱ ትዕዛዛት እነዚህ በአጠቃላይ ዶግማ ወይም እምነት ይባላሉ።

    በመጽሐፍ ቅዱስ የተጻፈው የእግዚአብሔር ቃል ሊሻሻል ሊለወጥ ስለማይችል ዶግማ ነው። መጽሐፍ ቅዱስን ቅዱሳን አባቶች በመንፈስ ቅዱስ መሪነት የጻፉት ስለሆነ አነሰ ብሎ የሚጨምርበት በዛ ብሎ የሚቀነስ አይደለም። (2ኛ ጴጥ 1፥20)

Viewing 1 post (of 1 total)
Reply To: ዶግማ ምንድን ነው?
Your information: